ခင်ပွန်းကြီး ၁၀ပါး ကန်တော့နည်း

ကျမနေ့စဉ် ဝတ်မပျက် ကန်တော့တဲ့အထဲမှာ ခင်ပွန်းကြီး ၁၀ပါးကန်တော့နည်းလေးလဲပါတယ်။ ကျမအဲဒီကန်တော့နည်းကို ကန်တော့ရခြင်းရဲ့ ရည်ရွယ်ချက်ကတော့ ကန်တော့ထိုက်သူများကို ကန်တော့လိုက်ရတဲ့အတွက် ယုံကြည်သက်ဝင်စွာနဲ့ ရိုသေမြတ်နိုးလက်စုံမိုးပြီး ရှိခိုးကန်တော့ရတာကိုက စိတ်မှာကြည်နူးပြီး  ကျမရဲ့နှလုံးမှာ ဘုရားကိန်းတာမျိုး ခံစားရလို့ပါ။

ဘုရားတပည့်တော်သည် သံသရာအစမှ စ၍ ယနေ့တိုင်အောင်-

၁။       ဂုဏ်ကျေးဇူးကြီးမားကြကုန်သော မြတ်စွာဘုရားရှင် ကိုယ်တော်မြတ်ကြီးတို့အပေါ်၌

၂။       ဂုဏ်ကျေးဇူးကြီးမားကြကုန်သော ပစ္စေကဗုဒ္ဓါအရှင် ကိုယ်တော်မြတ်ကြီးတို့အပေါ်၌

၃။       ဂုဏ်ကျေးဇူးကြီးမားကြကုန်သော အဂ္ဂသာဝက၊ မဟာသာဝက ရဟန္တာ အရှင်မြတ်ကြီးတို့အပေါ်၌

၎။       ဂုဏ်ကျေးဇူးကြီးမားကြကုန်သော ရဟန္တာ အရှင်မြတ်ကြီးတို့အပေါ်၌

၅။       ဂုဏ်ကျေးဇူးကြီးမားကြကုန်သော မိခင်တို့ အပေါ်၌

၆။       ဂုဏ်ကျေးဇူးကြီးမားကြကုန်သော ဖခင်တို့ အပေါ်၌

၇။     ဂုဏ်ကျေးဇူးကြီးမားကြကုန်သော လိမ္မာစေရန် ကျိုးကြောင်းပြ၍ ဆုံးမတတ်သော ဆရာသမားတို့၏ အပေါ်၌

၈။       ဂုဏ်ကျေးဇူးကြီးမားကြကုန်သော သီလဂုဏ်၊ သမာဓိဂုဏ်၊ ပညာဂုဏ်တို့ကို ဆည်းပူးဖြည့်ကျင့်လျက် ရှိကြကုန်သော လူပုဂ္ဂိုလ်၊ ရဟန်းပုဂ္ဂိုလ်တို့၏ အပေါ်၌

၉       ဂုဏ်ကျေးဇူးကြီးမားကြကုန်သော တရားဓမ္မတို့ကို ဟောပြောပြသ ဆုံးမတတ်သော ဆရာသမားတုိ့၏ အပေါ်၌

၁၀။     ထမင်းတစ်လုပ်၊ ရေတစ်မှုတ် စသည်ဖြင့် ပေးကမ်းချီးမြှင့် ထောက်ပံ့ဖူးသော ကျေးဇူးရှင် ပုဂ္ဂိုလ်တို့၏ အပေါ်၌

ကာယကံ၊ ဝစီကံ၊ မနောကံ သုံးပါးသော ကံတို့ဖြင့်ပြစ်မှားမိခဲ့သည်ရှိခဲ့ပါသော် ထိုအပြစ်တို့ကို ပျောက်ပါစေခြင်း အကျိုးငှာ ရိုသေမြတ်နိုး လက်စုံမိုး၍ ရှိခိုးပါ၏ ဘုရား။

ဤသို့ ရှိခိုးပူဇော် ဖူးမြှော်မာန်လျော့ ကန်တော့ရသောကောင်းမှုကံစေတနာတို့ကြောင့် အလုံးစုံသောဘေးရောဂါ အန္တရာယ်အပေါင်းတို့မှ ကင်းဝေးပြီးလျှင်မြတ်စွာ ဘုရားရှင်  .ဟောကြားတော်မူသော သစ္စာလေးပါးမြတ်တရားကို .ကောင်းစွာ သိမြင်၍ နိဗ္ဗာန်သို့ ဝင်နိုင်သောကိုယ် ဖြစ်ရပါစေသား အရှင်ဘုရား။

လောကီမင်္ဂလာ အဖြာဖြာတို့သည်လည်း စိတ်ကြံတိုင်းတောင်းတတိုင်း လွယ်ကူ လျင်မြန်စွာ ပြည့်စုံ၍ နှလုံးစိတ်ဝမ်း အေးချမ်းရပါစေသား အရှင်ဘုရား။

ခင်ပွန်းကြီး ၁၀ပါး ပူဇော်ခြင်း အကျိုး ၁၀ပါး

၁။       အစားအစာ မရှားပါးခြင်း

၂။       ရောက်ရာအရပ်၌ လေးစားပူဇော်ခံရခြင်း

၃။       ရန်သူမျိုးငါးပါးနှင့် ကင်းဝေးနိုင်ခြင်း

၎။       လူချစ်ခင် ပေါများခြင်း

၅။       ပရိသတ်အလယ်၌ တင့်တယ်စွာ နေနိုင်ခြင်း

၆။       ကောင်းသတင်းဂုဏ် ကျော်စောခြင်း

၇။       အခြွေအရံများခြင်း

၈        စီးပွားဥစ္စာ ဖွံ့ဖြိုးတိုးတက်ခြင်း

၉။       ဘေးဒုက္ခကြုံသော် အကူအညီရရှိခြင်း

၁၀။     သားကောင်း သမီးကောင်း ရရှိနိုင်ခြင်း

               

ခင်ပွန်းကြီး ၁၀ပါး ပြစ်မှားခြင်း ဒဏ် ၁၀ပါး

၁။       ပြင်းထန်သော ဦးခေါင်းနာ စသည် ဝေဒနာများဖြစ်ခြင်း

၂။       ပိုင်ဆိုင်သော ဥစ္စာပစ္စည်းများ ဆုတ်ယုတ်ပျက်စီးခြင်း

၃။       လက်  ခြေ ပြတ်ခြင်း၊ ကိုယ်အင်္ဂါ ပျက်စီးခြင်း

၎။       ကုသ၍ မရနိုင်သော ကြီးလေးသည့် ရောဂါများဖြစ်ခြင်း

၅။       ရူးသွပ်ခြင်း၊ စိတ်မတည်မငြိမ်ဖြစ်ခြင်း

၆။       မင်းပြစ် မင်းဒဏ် ခံရခြင်း

၇။       မတရားသဖြင့် စွပ်စွဲခံရခြင်း

၈။       ဆွေမျိုးကောင်း၊ မိတ်ဆွေကောင်း မရရှိခြင်း

၉။       စည်းစိမ်ဥစ္စာ အခြွေအရံများ ပျက်စီးခြင်း

၁၀။     နေရာ တိုက် အိမ် မီးလောင်ပျက်စီးခြင်း

ပစ္စုပ္ပန်ဘဝ၌ ထိုဒဏ် ၁၀ပါး သင့်မည့်အပြင်သေလွန်သောအခါ၌လည်း အပါယ်ငရဲသို့ ကျရောက်နိုင်ပါသည်။

မေတ္တာဖြင့်

အန်တီတင့်

Print this post